السبت، 24 أكتوبر 2015

10- العدل و الفضل F.B.

مفهومان مهمان غالبًا ما يحدث الخلط بينهما في العلاقات الإختيارية ( الصداقة و الزواج ) و هذا الخلط يؤدي لكثير من المشاكل فيما بعد .

أصبحت اقبل بنفسي أخيرًا

منذ زواجي ثم انجابي اخترت اعتزال الحياة طواعيًة , ربما لوضعي معايير صعب تواجدها ... و لعندي للاسف و لكني رضخت للامر الواقع في النهاية

أخيرًا تقبلت نفسي بالوضع الجديد ، كوني فتاة ثلاثينية و زوجة و ام لفتاة جميلة ... كانت تلك الاشياء مريعة فيما مضي لا ادري لماذا ... حنيننا لكوننا كبار ، في مرحلة ما قبل الحب و الترقب لكل تلك المشاعر الجميلة و بداياتها المرحلة الجامعية بكل إنطلاقها و حيويتها ( و سذاجتها ) في تغيير العالم و اننا سوف نفعل ما لم يفعله السابقون و سوف نُبهر اللاحقون .

تقبلت اني اكبر و لم اعد تلك الطالبة اليافعة ، الجميل انه لايزال لدي اصدقاء من مختلف الأعمار ، أصدقاء حقيقيين تأنس روحي بوجودهم حولي و افرح بهم ، يطلبو المشورة و اتلمس تلك الاحاسيس الجميلة في البدايات دون تسلط .. كأننا لازلنا نواجه الحياة معًا و نترقب ردود الافعال .. تلك النوعية من الصداقات صعبة كبقية الصداقات و لكنها تجدد الروح ... يرزقني الله كل فترة بمن يعجبني عقلهم و اشعر بتجدد الحياة معهم .

مع تغير موقعك في المسؤولية من آخذ للدعم و المال و الإهتمام و كل شئ ، للمسؤول و المعطي و الملزم بتوفير الحاجات ... تتغير اولوياتك . نعم وصلنا لنهاية المطاف و اصبحنا نعمل و ننتظر يوم الأجازة و نبتأس بعد إنتهاء عطلة نهاية الاسبوع ... اصبحنا نحسب كل قرش من اين سيجئ وفيما سننفقه و يزعجنا غلو اسعار الطماطم و البانيه و تكون هناك غرامة الحضانة كل اول شهر .

وقفت مع نفسي .. هل هذه الحياة التي اريدها فعلًا ؟؟

الاثنين، 12 أكتوبر 2015

9- الضعيف أمام الفتيات F.B.

النوعية دي من الشباب موجودة بس مش اغلبية ، و للاسف الإعلام هو اللي غرس انه " كل" الرجالة كده رغم ان القلة منهم هي اللي كده ... بس علشان الانصاف .

السبت، 10 أكتوبر 2015

4- الحقوق تنتزع F.B.

 كتير من البنات لا يملن للمواجهات في الخصومة و المشاكل و تقعد تفكرو تلف و تدور لحد ما توصل للهدف بتاعها بالتورية و بالتلميح و بشكل غير مباشر علشان خايفة ان اللي قدامها يزعل ( ده لو زاد بيبقي نفاق خلوا بالكم ) ، و جزء من تقديرهن لذاتهن لما بيشوفوا نظرة التقدير لهن في عيون الآخرين ... علشان تحس انها جميلة و الكل شايف الجمال ده . نظرة التقدير و رقة البنات عامل كبير في التعاملات .

5- الذمة المستقلة F.B.

لما جاء دينا الحنيف بتشريع ان الواحدة يكون لها ذمة مالية مستقلة ، ده له ما وراؤه ... فكرة انها تبقي مستقلة و هي متجوزة ده شئ في غاية الدقة و محتاج تركيز عليه و للاسف العادات المتخلفة بيتم تأصيلها بالدين و بتؤدي لكوارث و بالتالي كتير بينفروا من الدين لانه متحمل بالغباء او التأويلات العلط ... غير انه فيه دعوات حالمة في الدراما و الافلام اننا بقينا حاجة واحدة و بتاع لأ ده كلام افلام ميأكلش عيش ...

6- عززي نفسك F.B.

( رأي شخصي عما اظنه اسلم )
فيه فروقات طفيفة بين الولاد و البنات ده معروف ، بس ده مش معناه انها بنفسها تمارس الامر ده و تدي له امتيازات هي مش واخداها !!! معني الاختلاف مش في الحقوق و لكن في طبيعة كل نوع ..
أهم الاشياء اللي اي واحدة و واحدة لازم يكونوا عاملينها قبل ما يدخلوا في علاقة قديمة انهم يكونوا " حرقوا " اثار اي علاقة مرت مش مجرد طوو الصفحة و خلاص علشان ميظلمش نفسه و يظلم اللي جاي ده و يفضل يدخل في مقارنات لا حد لها ... احنا ناس ناضجين و طبيعي نقابل ناس نعجب بيهم او يكون فيه خطوبات تتفك او حتي كتب كتاب سابق ... نادرًا ما حد بيكمل من اول علاقة ، غالبًا بيكون فيه تعلق و لو من بعيد حتي لو مكنش فيه مصارحة .

7- هناك كرامة بين المحبين F.B.

فيه جملة مجحفة جدًا بتقال انه مفيش كرامة بين المحبين ، بالعكس ... فكرة انه ممكن يغلط فيكي ، يشتم ، او يعمل اي تصرفات فيها تقليل من شأنك زي انه مثلا يتريق على اهتماماتك ،شغلك ، اي شئ انت بتحبيه ، حتي لو رأي انت قلتيه و طلع غلط مهياش نهاية الدنيا يعني ان حد يقول شئ غلط ... كل ده بيقول انه انسان غير جدير بالثقة و الاحترام

8- الإعجاب يا بيجي يا لأ متتحايلوش عليه F.B.

في مرحلة العمل او الجامعة ، يتم التعامل بشكل بسيط بين الناس و بعضها ، و يتألف البعض و يتنافر البعض الآخر ... هذا في المجال المبدئي ... دائمًا هناك بوابات خلفية للقلب ( قبل الارتباط ) فيه انه يقول تلك الفتاة لطيفة او هذا الفتي وسيم او ما شابه .. في دواخل النفس دون اي تصريح ... هذا لا عيب فيه مالم يتطور لاي فعل .

الجمعة، 9 أكتوبر 2015

2- التروي من البنات و اللهفة من الولاد F.B.

طريقة تفكير البنات غير الولاد في الموضوعات العاطفية
البنت بتفكر كتير و بتاخد وقت و علي مهلها لما تيجي ترتبط ، لكن الولد مش بياخد نفس الوقت ده ( لو اقتنع بواحدة هيعمل المستحيل علشانها ، و لو معملش يبقي غالبًا بيضيع وقع او بيتسلي و مش جاد ) 

1- النوع الكاريزمي لسنا جميعا هكذا F.B.

المجتمع دلوقتي بقي مفتوح ، بس انا بتكلم عامة عن الفئة اللي اغلبنا فيها ، بعد او قرب منها شوية بس مظنش ان الفروق هتبقي كتير ، و لما بقول مشاعر او حب بيبقي طبعا بدون اي تجاوزات يعني مفيش مسك ايد و قبلات بقي و الهيصة دي ...

3- انت حبيبة و زوجه و ليستِ ام F.B.

فيه جزئية دقيقة البنات مشاعر البنات بتتلخبط فيها لما تيجي ترتبط ، و لازم البنت تاخد بالها منها ... اهمهم انها تحس برجولته معاها ، انه فيه حد تتسند عليه مش هي اللي تبقي امه ، و ده جاي من تربية غلط البعض بيعملها مع البنات و هي انه مش المفروض تطلبي ، تاخدي اللي ندوهولك و تحمدي ربنا و كتر خيرنا اساسا اننا اديناهولك .