هذه المقالة ليست فكرية ولا اي شئ , هي فقط نصائحي من واقع تجربتي في ( جهاز العروسة ) لتبادل الخبرة مع بعض الصديقات
---------
بداية كل واحد ادري بإحتياجاته , مش معني اني قلت شئ يبقي هو دا الصواب , دا ببساطة ما يناسبني :) و لله الحمد وفقني لله و استطعت تنفيذ حوالي 75% من الافكار التي كنت اعتنقها و هي نسبة رهيبة بالنسبة لفتيات آخريات لا يملكن من امرهن شئ ( تسلط الاهل )
الطاسات : 2 طاسة واحدة 20 ( للكريب و الكانيلوني و الكميات الكبيرة ) و الاخري 14 ( للبيض العيون و ما شابه كميات صغيرة ) ( القطر ) بس
الحلل : فقط استانليس استيل ( اصح شئ ) احجام مختلفة من زهران أو الأهرام - الاحجام التي اريدها فقط دون التقيد بالطقم ( جيبت ٦ فقط )
6 ملاعق كبيرة و صغير - 6 شوك كبير و صغير - 6 سكاكين سفرة . اختارت نوع جيد للاستخدام اليومي , انضف نوع استانليس هو 10/18 و اي شئ الا الصيني , لا اقتنع بأن يكون للضيوف اشياء اعلي مما يستخدمه اهل المنزل بشكل دائم
شواية : لاني اميل الي الاكل الصحي ،قالب واحد بايركس , للنجرسكو المكرونة بالبشاميل
طقم اطباق واحد ,للاستعمال اليومي . اركوبال 6 من كل نوع ( لم اشتري فناجين القهوة و الشاي لاني لا اشرب لا قهوة ولا شاي ) و لأن طقم الصيني اللي جاء رغم عني به تلك الاطقم فلا داعي لتكرارها .
أطباق بولات ( لعمل الحلوة اللي انا فعلا بعملها ) 3 فقط من كل حجم ... مجموع تسعة
طبق بلاستيك كبير سلطة و اربع اطباق صغيرة معه
2 صينية مستطيلة تيفال ( لعمل الجلاش ) 16 - 26 صواني استانليس للبيتزا لأني أحبها
طقم التوزيع ( الكبشة و مغرفة الارز ايضًا اشتريتهم فرط ) حسب احتياجي
عصارة برتقال -
شفشق زجاج كبير -
براد شاي -
مفرمة ثوم -
مقشرة للجزر و البطاطس -
مفرمة ثوم -
مقشرة للجزر و البطاطس -
كسرولات ( لسلق البيض او عمل مشروبات كميات صغيرة ) استانليس ايضًا بدأت الاستخدام بأقل الاشياء , و لو تصادف شئ احتاجته ( احتجت طبق مربع بايركس 18 ) اشتريته
----------
-الاجهزة المنزلية اللي في المطبخ : مضرب بيض - خلاط - حلة بخار ( لاني اميل للاكل الصحي ) مالتي كويك براون 5 و دي فيها هراسة بصراحة ممتازة جدًا حتي في تحضير اكل الاطفال لفترة من 6 -13 شهر ( هاند بلندر ) و كبة كبيرة و كبة صغيرة للبصل و الثوم ...
المايكروويف جالي هدية ( مكنش جايباه ) بس بصراحة ممتاز جدًا في حاجات كتير
-----------
الفوط : فيه اربع احجام من الفوط , بدء من البشكير لحد فوطة اليد و بينهم حجمين ... الواحد بيجيب علي حسب احتياجه يعني فوط اليد ممكن 4 , البشاكير ممكن يزيدوا لان نصف الكمية لك و النصف الاخر للزوج ... اؤمن بخصوصية الفوط الفوطة الاصغر من البشكير دي غالبا بتبقي لتنشيف الشعر و دي غالبا بيحتاجها البنات بس متجيبيش ضعف الكمية يعني , و ممكن طقم واحد فوط يتحط لما الضيوف يجو افضل نوع القطن الغير مخلوط و دا بقي للاسف نادر و بتحتاج يد خبيرة لتعرف الخامة طبعا كل واحدة تبقي واخدة بالها هي عندها حمام ولا اتنين ولا تلاتة علشان تجيب بعددهم حاجة
مفرش سفرة واحد يستحسن ميكونش الحاجات السوري اللي التطريز بتاعها بيقع بالغسيل
ملايات السرير : ممكن 3-4 اطقم بالاساس طقم الفرح الابيض دا ملوش لزمة و بياخد حيز علي الفاضي بطانية او 2 لحاف واحد كوفرتة واحدة كبيرة بطقم خداديات ( تنفع كمفرش بردو ) وكوفرتتين صغيرين ...
لا تنسي غطاء المرتبة - و دا للي مستخدمين مرتبة جاهزة بيجيلها غطاء يتحط قبل الملاية العادية علشان نحافظ عليها
لو احتاجتي بعدين ابقي جيبي
-----------
طبعا بديهي اني معملتش نيش علشان يكون همي املاه بأشياء عجيبة
لم اشتر اكواب , هدايا الاكواب كثيرة و تتكسر بسرعة، اشتري جبنة بريزيدن أكواب و استخدم كوبها بعد انتهائها و الجميل ان لها غطاء يصلح مع الأطفال ، لن تنزعج عند كسرها .
لم اشتر حلل تيفال , و تم اهدائي 4 حلل بالاحجام التي احتاجها
كل ما الحاجة قلت كل ما المواعين قلت و تم استغلال الوقت بشكل افضل ... مش لازم نقصي نصف عمرنا في المطبخ
طبعا عارفة ان ممكن ناس تستقل الاشياء او تبص لي بصة مش تمام , بصراحة ولا يهمني ^_^ كل واحد يعمل اللي يريحه
ليست هناك تعليقات:
إرسال تعليق