الأربعاء، 11 فبراير 2015

يا رب

لأول مرة اشعر بهذا الخوف .. بهذا الوضوح و هذا الجلاء ... فعلا انا عايزة اهرب من هنا دي مش بلد دي خرابة ، احنا ملناش اي قيمة فيها ... انا بحب اهلي و اسرتي و جوزي و بنتي و فعلا مش عايزة افقدهم لاني مليش حد و جم بعد انتظار و دعاء انت تعلم مداه .. يا رب . دول نعمتك و عطائك ليا فلا تحرمني ، إرحم ضعفي يا رب ... بجد انا عارفة انه لا مانع لقدرك بس ارحمني ... انا معملتش حاجة في دنيتي تخليني استثناء عن بقية المئات اللي بتتقتل كدا ... بس يا رب ، لا ملجأ ولا منجا منك الا اليك ... طمعي في كرمك لا حدود له احفظني و اسرتي و أهلي  و ذريتي و اصدقائي ممن اختاروا معسكر الحق .
يا رب انا عارفة ان السنن الكونية لا تحابي أحد و ان زمن المعجزات انتهي ، و إن لازم ناخد بالاسباب و احنا لم نأخذ ، يا رب احنا فعليًا مستضعفين ، عاجزين ، بائسين ... يا رب .
مفيش في ايدي الا الدعاء .

يا رب  

هناك تعليقان (2):

  1. أنا مش هاقول لك غير إني قرأتها تلات مرات وفي كل مرة عيطت!!!! أنا بأمن علي دعواتك ياحبيبتي وأعيش وأشوفك آمنة مطمئنة علي حبايبك جوزك وبنتك وأهلك ، ربنا مايجمع عليك عسرين أبدا أبدا ، ربنا يكفيكم شر أي ألم أو سوء ياااارب وأنا هافضل أدعيلك بأدعيتك دي وربنا يسمعني عنكم كل طيب يااااارب

    ردحذف
    الردود
    1. انت قلبك جميل اوي يا دعاء !! عياط مرة واحدة

      حذف