طريقة تفكير البنات غير الولاد في الموضوعات العاطفية
البنت بتفكر كتير و بتاخد وقت و علي مهلها لما تيجي ترتبط ، لكن الولد مش بياخد نفس الوقت ده ( لو اقتنع بواحدة هيعمل المستحيل علشانها ، و لو معملش يبقي غالبًا بيضيع وقع او بيتسلي و مش جاد )
مشكلة البنات انهم بيفتكروا ان الولاد زيهم ، بيحتاجوا وقت ، و من هنا بتيجي المصيبة ... الولد يتحجج و بيماطل ، و البنت مبتحسش ان فيه مشكلة لانها بتفكر كده و فاكراه زيها !!
و تيجي الحجج ..طيب عايز افكر ، طيب ندرس بعضنا و بعد ما البنت بطلوع الروح تاخد منه الكلمة يطلع في حاجات تانية ... ، اصل ابويا ، اصل مش عارف ايه ، اصل بتاع ، مين مات ، مين عمل ، طيب عندي امتحان المش عارف ايه ، اصلي مستني انترفيو في الحتة الفلانية ، اصل الجيش ، مليون اصل و اصل تطلع علشان يتهرب من الارتباط الجدي و البنات الطيبة الساذجة تصدق انه فعلا عايزها ... و الانكي بقي انه يحسسها بالذنب و ان هي اللي غلطانه لو شدت شوية أو اتقمصت و طالبت بالإسراع !!!
شكل العلاقة ده بيكون علاقة من طرف واحد غالبًا يعني ، البنت بتفضل تدي تدي تدي و بيبقي صعبان عليها كل اللي ادته ده و فاكرة انها لما ادت كده ضمنت ، رغم انها في الحقيقة مأخدتش اي شئ يحسسها انه عايزها زي ما هي عايزاه ... البنت بتبقي خبرتها قليلة ، و اهم شئ انه مش واثقة في نفسها .
احنا اتفقنا انه لو الشاب عايز حاجة هيعمل المستحيل علشان ياخدها ...
دلوقتي هو بيماطل ، و هي اتقمصت علشان عايزاه يبين وضعه و يتقدم ولا ياخد اي خطوة ايجابية في العلاقة دي ... السيناريو هيمشي في سكة من اتنين :
- هو كمان هيتقمص و انها ازاي تخونه و انها مستعجلاه و مش مراعية ظروفه و هي كده مش هتعيش معاه علي الحلوة و المرة و هيلبسها الغلط و هيزعل هو منها بدل ما هي اللي هتزعل منه و هي هتنخ و تتأسف .
احنا اتفقنا انه لو الشاب عايز حاجة هيعمل المستحيل علشان ياخدها ...
دلوقتي هو بيماطل ، و هي اتقمصت علشان عايزاه يبين وضعه و يتقدم ولا ياخد اي خطوة ايجابية في العلاقة دي ... السيناريو هيمشي في سكة من اتنين :
- هو كمان هيتقمص و انها ازاي تخونه و انها مستعجلاه و مش مراعية ظروفه و هي كده مش هتعيش معاه علي الحلوة و المرة و هيلبسها الغلط و هيزعل هو منها بدل ما هي اللي هتزعل منه و هي هتنخ و تتأسف .
-- هيتقمص بردو و يقول الكلمتين اللي فوق ، هي هتثبت علي موقفها ... فهو هيبيع !!!
هي هتحس بالذنب انها اللي ضيعته من ايديها و لو كانت استنت كان اتقدم ، و عقدة الذنب هتقتلها ، هو اصلا كده كده مكنش شاري و كانت مسألة وقت انه هيبيع . و لو كان شاري و متردد فالتردد مينفعش مع علاقة المفروض انها دائمة دي all or non و دي من اساسيات الرجولة انه يبقي عارف هو عايز ايه لو مش عارف يبقي يعرف و يجي ميضيعش وقتك ولا مشاعرك و يبقي حاسم كده ... لو تفكيرها الساذج صور لها انها تحافظ عليه و حاولت ترجع كده هيبهدلها و هيذلها و مش هيرجع . و لو رجع يبقي ملهاش اي حق بعد كده انها تطالبة يتقدم و الا تبقي نكدية و ده كان سبب الخلاف الاساسي .
هي هتحس بالذنب انها اللي ضيعته من ايديها و لو كانت استنت كان اتقدم ، و عقدة الذنب هتقتلها ، هو اصلا كده كده مكنش شاري و كانت مسألة وقت انه هيبيع . و لو كان شاري و متردد فالتردد مينفعش مع علاقة المفروض انها دائمة دي all or non و دي من اساسيات الرجولة انه يبقي عارف هو عايز ايه لو مش عارف يبقي يعرف و يجي ميضيعش وقتك ولا مشاعرك و يبقي حاسم كده ... لو تفكيرها الساذج صور لها انها تحافظ عليه و حاولت ترجع كده هيبهدلها و هيذلها و مش هيرجع . و لو رجع يبقي ملهاش اي حق بعد كده انها تطالبة يتقدم و الا تبقي نكدية و ده كان سبب الخلاف الاساسي .
عزيزتي ، اللي عايزك هيبقي شاري و اللي شاري هيبقي عايز يعمل اي شئ علشانك و هيعوزك خطيبته امبارح قبل النهاردة .. متقدميش انت تنازلات و تذللي عقبات هو اصلا المفروض اللي يخوضها . مهما كان اللي قدامك كويس انه انسان كويس دي مش شئ مطلق لأ تصرفاته هي اللي بتخليه كويس ، و لو قعد يماطل يبقي مش كويس مهما كام كلامه معسول ...
ليست هناك تعليقات:
إرسال تعليق