المجتمع دلوقتي بقي مفتوح ، بس انا بتكلم عامة عن الفئة اللي اغلبنا فيها ، بعد او قرب منها شوية بس مظنش ان الفروق هتبقي كتير ، و لما بقول مشاعر او حب بيبقي طبعا بدون اي تجاوزات يعني مفيش مسك ايد و قبلات بقي و الهيصة دي ...
بيبقي اقرب للعلاقات اللي علي حرف الالتزام و اللي هي المرحلة اللي قبل التقدم للخطوبة ... مش مجرد مشي للمشي او تعارف للتعارف ( النوع ده شوفته اكتر بين طالبات "الدبلون" او الفئات الساذجة اللي مهياش فاهمة او حابة تجرب ... مرة سألت واحدة كانت في المدرسة لما كنا في ثانوي قالت لي بالنص : امال هنتكلم في ايه ؟؟ مفيش حاجة تانية مهمة ممكن نعملها !!! فيعني الناس دي بتبقي فرحانة بنفسها لكن مشاعرها بتستهلك في اللا شئ و بيبقي الامر عندهم ادمان و مش بيقدروا يدخلوا علاقات ناضجة لانها استهلكوا نفسهم في الاعدادي و الثانوي .. و اظن انه بدء من الجامعة ممكن نتكلم عن علاقات جادة حقيقية ممكن تكمل مش قبل كده .
المهم ...
في مرحلة بدء النضوج و دي ممكن نقول تقديرًا كده من 19-20 و انت طالع ممكن تتكلم عن علاقات جاجة و تكمل ، طبعا البنات اللي في مدارس مختلطة خلفيتهم بتبقي غير البنات اللي في مدارس بنات بس ( طبعا كلامي ده بقي قديم لاني سايبة المدرسة في 2001 .. و انا كنت في مدرسة مختلطة بس اسمع ان الوضع بقي انيل و انيل دلوقتي يعني الصحوبية عندنا مبدأتش الا في الثانوي اسمع دلوقتي انهم من رابعة ابتدائي بيتكلموا مش عندهم حياء كده زي زمان لأ .
و بشكل عام مش مع فكرة ان الواحد يبقي اهبل كده و مش عارف ايه بيحصل حوليه ، بس في نفس الوقت يبقي ناصح يعني يبقي عارف بيعملوا ايه و ايه الغلط بس مش لازم يجربه .
في مرحلة بدء النضوج و دي ممكن نقول تقديرًا كده من 19-20 و انت طالع ممكن تتكلم عن علاقات جاجة و تكمل ، طبعا البنات اللي في مدارس مختلطة خلفيتهم بتبقي غير البنات اللي في مدارس بنات بس ( طبعا كلامي ده بقي قديم لاني سايبة المدرسة في 2001 .. و انا كنت في مدرسة مختلطة بس اسمع ان الوضع بقي انيل و انيل دلوقتي يعني الصحوبية عندنا مبدأتش الا في الثانوي اسمع دلوقتي انهم من رابعة ابتدائي بيتكلموا مش عندهم حياء كده زي زمان لأ .
و بشكل عام مش مع فكرة ان الواحد يبقي اهبل كده و مش عارف ايه بيحصل حوليه ، بس في نفس الوقت يبقي ناصح يعني يبقي عارف بيعملوا ايه و ايه الغلط بس مش لازم يجربه .
فيه بعض البنات/الولاد بيبقي لهم اللي ممكن نسميه " كاريزما " ... دول نسبتهم مش كبيرة في اي تجمع ، و بيبقي هو اللي عليهم العين من الولاد/البنات ... كانت لينا زميلة ما في ولد يكلمها الا لما يكون عايز " يتصاحب" عليها .. و لو محترمة شوية يبقي عايز يتقدم لها . و طبعا بيبقي معروف الولد اللي كل البنات عايزة تكلمه ده و غالبًا بيبقي "فاهم" ازاي يعامل البنات ... بيعاملها علي انها انسانة و مش بيبص لها باصات سافلة و بيتعامل بأدب معاها و بيكون مجملًا " جنتل " .
دول منهم نوعين ، نوع بيبقي هو فعلا اتربي علي كده و لان المحترمين في زمنا قليلين فالبنات بتفهمه غلط ولو هو فعلا محترم بيفكس لليلة و بيبطل يتعامل مع البنات الا في اضيق الحدود او مع اللي دماغهم عالية لانه شاف ان فيه مشاكل بتحصل ... و نوع بيستهبل ... و ده نوع بيبقي فعلا خطير .
دول منهم نوعين ، نوع بيبقي هو فعلا اتربي علي كده و لان المحترمين في زمنا قليلين فالبنات بتفهمه غلط ولو هو فعلا محترم بيفكس لليلة و بيبطل يتعامل مع البنات الا في اضيق الحدود او مع اللي دماغهم عالية لانه شاف ان فيه مشاكل بتحصل ... و نوع بيستهبل ... و ده نوع بيبقي فعلا خطير .
ليه خطير ؟؟ لانه بعد فترة من التعامل اي واحد بيبقي عارف هو ايه مقوماته الإجتماعية ، ايه نقاط القوة و نقاط الضعف فيه ... فهو لاقي انه في اي تجمع هو بيبقي محط انظار البنات ... و من برا شكله مؤدب و محترم ، فليه مينقيش ؟؟ الطلب عليه كتير فهو من حقه ينقي و ينقي ... طبعا الامر مش بيتم بالشكل المباشر ده بس ده مجمل اللي بيحصل في اللا وعي .
هو بيبقي عارف مقوماته ، و واخد باله من اللي واخدين بالهم منه ، لو لاقي فيهم اللي عايزه بيدوس ( و غالبًا النوع ده مش بيملأ عينه اي حد )
هو بيبقي عارف مقوماته ، و واخد باله من اللي واخدين بالهم منه ، لو لاقي فيهم اللي عايزه بيدوس ( و غالبًا النوع ده مش بيملأ عينه اي حد )
كان لنا زميل في الكلية من النوعية دي ، شاطر و مؤدب و حضوره طاغي و دمه خفيف ، هو عارف ان حوليه كتير و بيتمنوه ، بس هو كان عينه علي واحدة هي حلم غالبية الشباب ، البنت كانت حلوة و و بتعرف تلبس و محجبة و مش مدهولة في نفسها كده ، و دمها خفيف و مؤدبة و بتعارف تتعامل حلو و روحها خفيفه كده . هي مديتلوش عقاد نافع لما عرض عليها يتقدم لها ، و لما سأل اتقال له انها مش حاطاه في دماغها بس مش عايزة تبقي قليلة الادب .. لانه البنت او الولد لو عايزين شئ بجد ممنوش فايدة المماطلة و فكرة اديني كان سنة افكر . هو مقتنعش و انتظرها كام سنة ، في الآخر كانت اتخطبت لواحد زميل تاني لنا ... و هو كان شايط ... هي مكانتش مصاحباه و لما قاللها قالت له انا مديتكش اي شئ وموعدتكش بشئ و هي مكدبتش ، الشاهد انه لما حد بيبقي عايز التاني بيعلق نفسه بخبال الهوا الدايبه حتي لو كل الشواهد بتقول انه مش عايزك ... بس هو بيقول يمكن ، مش عارف ايه ، لعل يحن .. و احوال القلوب لا تسير بالأماني .
نفس الشخصية دي زميلة تانية كانت بتحاول تتقرب له ، و عرفت القصة دي فحاولت انها تبقي قال ايه : الصدر الحنين اللي بيشكي له همه و يرتاح معاه ... صديقتها حكت لي ان الوضع ده مش مريحها لانه مش مديها لا حق ولا باطل ... بس هو مستغلها انه بيحكي لها همه و بيشكي لها ، بلغتها رسالة انه اللي بيعمله دا استهبال و مفيش أخ بيتصل بأخته في اوقات مريبة علشان كلام برئ !!! المشكلة انه فيه حاجات بتتلبس بالباطل علشان نبرر اللي بنعمله ... لكن الغلط بيفضل غلط ... و لما سألت صاحبتي دي هو وعد صاحبتك بحاجة قالت لي لأ و ده اللي هيجننها . قلت لها ده بيلعب بيها ... و لما الكلام وصل للزملاء قاطعوني اني ازاي اقول كده عليه ! قلت لهم انا يهمني قلب المسكينة دي اللي هيتكسر ... و قد كان ... قلل الاتصالات معاها بدون اي سبب و هي بقت تستفسر يتحجج و يتهرب ... و بعد شوية عرفت انه خطب زميلة تانية لنا !!! البنت جالها انهيار عصبي بجد بس الحمد لله اتعالجت و ربنا جبر بخاطرها و لاقت اللي يعوضها و اتجوزت ...
دلوقتي من القصة دي ممكن نستنتج شوية حاجات :
- الولد و البنت اتجرحوا لانهم اتعلقوا بحبال الهوا الدايبة .
- البنت لما جرحت جرحت بدون ما تصاحب ( يعني مكانتش بتكلم اخينا ده كل يوم لأ قالت له سيبني افكر و بس و كانت بتتعامل معاه عادي ) و هو اتجرح لانه كان متعشم و شايف نفسه ميترفضش و الولد تعافي سريعًا و عرف يكمل حياته ( و ده لانه شئنا ام ابينا نفسيات الولاد اكثر ثبات و قوة من البنات )
- البنت لما اتجرحت جالها فعلًا انهيار عصبي ، و اتجرحت بفعل الولد لانه كان بيكلمها و محسسها انها حد مهم في حياته مش مجرد ادالها وعد من بعيد ...
- الولد و البنت اتجرحوا لانهم اتعلقوا بحبال الهوا الدايبة .
- البنت لما جرحت جرحت بدون ما تصاحب ( يعني مكانتش بتكلم اخينا ده كل يوم لأ قالت له سيبني افكر و بس و كانت بتتعامل معاه عادي ) و هو اتجرح لانه كان متعشم و شايف نفسه ميترفضش و الولد تعافي سريعًا و عرف يكمل حياته ( و ده لانه شئنا ام ابينا نفسيات الولاد اكثر ثبات و قوة من البنات )
- البنت لما اتجرحت جالها فعلًا انهيار عصبي ، و اتجرحت بفعل الولد لانه كان بيكلمها و محسسها انها حد مهم في حياته مش مجرد ادالها وعد من بعيد ...
القصة دي مش لازم تتكرر بحذافيرها ... مش لازم يكون اتصالات ، ممكن اي شئ تاني ، مكنش فيه علي ايامنا فيس بوك فالله اعلم الدنيا وصلت لإيه دلوقتي ... الفكرة انه البنت لازم لازم لازم تتعلم امتي تدي و تدي لمين و ايه الحد اللي تتنازل له و لازم تبقي واقفه علي ارض صلبه مع اي حد ...
و فيه نقطة تانية هتعرض لها بعدين لاني طولت اوي ... مهم جدًا البنات تاخد بالها منها
ليست هناك تعليقات:
إرسال تعليق