فيه جزئية دقيقة البنات مشاعر البنات بتتلخبط فيها لما تيجي ترتبط ، و لازم البنت تاخد بالها منها ... اهمهم انها تحس برجولته معاها ، انه فيه حد تتسند عليه مش هي اللي تبقي امه ، و ده جاي من تربية غلط البعض بيعملها مع البنات و هي انه مش المفروض تطلبي ، تاخدي اللي ندوهولك و تحمدي ربنا و كتر خيرنا اساسا اننا اديناهولك .
كمان غالبية البنات مفطورين علي العطاء لان لغة العطاء هي اللغة المتبعة بين البنات و بعضها ، دي عملت لي يبقي لازم اعمللها ، لما هي بتقدم العطاء بتعرف انها هتاخده ( علشان دي طريقة تفكير البنات ... لكن الولاد مش كده خالص )
و دي نقطة كتير للاسف مش بينتبهوا لها و بيلخبطوا فيها ... الحبيب/ الزوج ده لازم تتكلي عليه : هو اللي يجيب الحاجات و لما تتعمق العلاقة بشكل رسمي اكتر هو اللي تطلبي منه ، هو اللي يحاسب حتي لو انت معاكي فلوس و بتشتغلي ، فيه ناس ممكن تتخيل ان دي رجعية ، ماشي ... بس غالبًا الرجالة هنا مش بيفكروا كده و لو حد ريحهم بيسوقوا فيها للاسف . و بعدين الرجل بشكل فطري يحب ان الست تطلب منه و هو اللي يجيب ، و ده شئ بيبسطه ، مش انتقاص ابدًا من قدرك بس ده احساس الرجل السوي ، و مقدرش اقول ان ال30% اللي شايلين بيوت في مصر من ستات واخدين حقهم رغم انهم ماديًا هما اللي لهم اليد العليا ... بس في الحقيقة ان دول واخدين فوق دماغهم رغم انهم اللي بيصرفوا و هنا يجي دور الثقافة وو الثقة بالذات ( بعدين )
من قراءة كتير عن النساء في الدول العربية التانية ان الست مش بتساعد ماديًا في اي شئ ، فالبنت المصرية بتبقي اصيلة و جدعة ... كانت ليا واحدة صاحبتي طموحة جدًا جدًا جدًا ، شعله نشاط و ذكاء و حركة و علاقات ، قابلت واحد ابن حلال و حبو بعض و خطبها ، المشكلة انه ظروفه مكانتش اد كده ، هي كانت بتشتغل و متجدعنه اكتر منه و الحمد لله جهزت نفسها و شاركت في جزء من الشقة و طبعا الاثاث ... الولد طلع كويس و كل حاجة و شالهالها ... بس الفكرة انه مكنش طموح زييها !!
هي هتتجنن انه يتنحرر شوية و يتلحلح و يطور نفسه و يغير شغلانته و علشان مستواهم يتحسن و هو ابدًا، راضي باللي هو فيه و خلاص ... ده لانه كل شئ اتيسر له ... كتير من الرجالة مش بيتحركوا الا لو فيه دافع قوي ... الأم بس هي اللي المفروض تدي بشكل غير مشروط ، مش الزوجه خالص .
هي هتتجنن انه يتنحرر شوية و يتلحلح و يطور نفسه و يغير شغلانته و علشان مستواهم يتحسن و هو ابدًا، راضي باللي هو فيه و خلاص ... ده لانه كل شئ اتيسر له ... كتير من الرجالة مش بيتحركوا الا لو فيه دافع قوي ... الأم بس هي اللي المفروض تدي بشكل غير مشروط ، مش الزوجه خالص .
كتير بيتقال انه اللي مبيجيش قبل الزواج مش بيجي بعده لان الهدف القوي حصل و خلصنا ( طبعا دي مش قاعدة و مش كله كده ) انا بركز بس علي نقطة انه الست لما بتشيل بزيادة الرجل مبيلاقيش دافع علشان يتحرك ( و ده رجل كويس ) و لو وحش بقي هيعتبرها حنفية فلوسو عليها الشغل جوا و برا ... و غالبًا البنات متربوش علي الثقة بالنفس انه زي ما بدي لازم اخد لا اتربوا علي العطاء غير المشروط ... و ده من الازمات الكبيرة .
ليست هناك تعليقات:
إرسال تعليق